(per i suoi 80 anni festeggiati nel 2001)
Nel mezzo del cammin di nostra vita
Mi ritrovai in una selva oscura
Che la diritta via era smarrita,
Con quatro tusi che la note i pisava in leto,
E dopo altri sete da lavarghe e stirare tuta la roba,
Panari de polenta da roversare e taiare,
Pignatoni de minestron da conzare col lardo,
e tante sece da portare col bigolo sule spale,
Col fredo che d’inverno el giasava el late sula tola,
E anca el bocale da piso soto al leto,
Con na bacheta in te na man
par magnare na scianta in pace,
Che in tola iera tuto un coionarse
e ridare par ogni monada,
E Bepi galo, Maria piegora,
Giani coa, Gnese Creola, Paola grilo,
E gnanca in leto i stava boni,
Che i se petufava coi cusini
E deso che i se cresù, sposà,
Qualchedun in pension e coi fioi grandi,
A tiro el fià
Vardo tute stè nuore e tuti sti nevudi
E penso: sta vita la sé sta na bea caminada in salita,
Ma deso, da in zima i me otanta e pasa ani,
Se vede un bel panora
Ringrazio el Signore e tuti quanti
Quei che sé rivà co mì fin qua!